Հունիսի 4-ին Ռուսաստանի նախագահ Վլադիմիր Պուտինը հայտարարել է, որ երկու երկրների միջև հարաբերությունները շատ լավ են և շարունակում են զարգանալ դրական ուղղությամբ։
«Մենք միշտ լավ հարաբերություններ ենք ունեցել Ադրբեջանի հետ և շարունակում ենք ունենալ՝ և՛ տնտեսապես, և՛ քաղաքականապես», – ասել է նա՝ նշելով, որ մի քանի տարի առաջ երկու երկրներն էլ ստորագրել են ռազմավարական համագործակցության համաձայնագիր, որը հիմք է հանդիսանում այս հարաբերությունների զարգացման համար։
Պուտինը նաև տեղեկացրել է, որ Ռուսաստանը ընդհանուր առմամբ 10 միլիարդ դոլար է ներդրել Ադրբեջանի տնտեսությունում։ Նրա խոսքով՝ երկու երկրներն ունեն սերտ համագործակցություն մարդասիրական հարցերում, և Ռուսաստանում աշխատում են մեծ թվով ադրբեջանցիներ։
Պետության ղեկավարը հատուկ ընդգծել է, որ Ադրբեջանի նախագահ Իլհամ Ալիևը մեծ ներդրումներ է կատարում այս համաձայնագրին կոնկրետ բովանդակություն հաղորդելու համար։ Պուտինը նաև շնորհակալություն է հայտնել Ալիևին Իրան ռուսական մարդասիրական օգնություն ուղարկելու գործում ցուցաբերած օգնության համար։
«Մենք կհանդիպենք նախագահ Ալիևի հետ և անպայման կքննարկենք ամեն ինչ», – եզրափակել է Ռուսաստանի նախագահը՝ վերահաստատելով, որ երկու երկրների միջև հարաբերությունները զարգանում են շատ դրական ձևով։
